SPIKKELTJIE – ‘n Gedig
Lt-kol MJJ van RENSBURG, SALM
Spikkeltjie. Diamantjie reine pêrel,
kosbare saad uit die Hemel.
Vandag is jy ‘n goue korreltjie
More so groot soos ‘n mossie.
Jy deel die Hemel met jou Moeder
en word jy veilig gekoester.
Jy groei in jou Moeder se weivelde van liefde
so mooi en skoon in sagte gebede.
Spikkeltjie jy is gekies deur Jesus
en gebêre in jou mamma se paradys.
Suikerbekkies in pers blomme kelkies.
Bye in goue heuning bekertjies,
hemelruim met familie van sterretjies,
‘n dosyn in mamma se oë.
Ja! Skoenlappers dans oor die rooi rosies.
Jy is ‘n maanskyn spikkeltjie,
jy is ‘n sonskyn spikkeltjie.
Jy is al die kleure van edelgesteentes.
Jy is ‘n afdruksel van jou mamma.
In jou mamma begin al jou drome,
ver oor die horison se some.
Daar begin al jou laggies
en sing die Engele saggies.
Spikkeltjie! So naby aan mamma se hart.
Jou hartjie is ‘n koor met haar hart.
Jou mamma is ‘n edel prinses
en jy is n koninklike prinses.
Spikkeltjie. Jou tyding lui al die klokkies.
Die Skepper juig ook in Sy Wese.
Hy blaas brose winde oor jou lewe ,
Hy kroon jou met silwer dou druppels.
Liefde seën jou sewe maal sewe.
Spikkeltjie, jou naam is in God se register
en die Engele besing jou heerlikheid.
Ja ! Daar kom ‘n tyd
dat jy die kleine dogtertjie word
die mooiste meisiekind in prag en skoonheid.
Leen my net ‘n bietjie van jou volmaaktheid
Waar ver winde met mekaar skinder
en die berge vir mekaar fluister
sal die rooi skemer koper aand
na die stap van jou voetjies luister.
MJJ van RENSBURG 27/8/ 2023
